Monday, February 6, 2012
(ခ) စေတီပုထိုး
စေတီနှင့်ပုထိုးမှာ တစ်ခုနှင့်တစ်ခု အသံခြင်းမတူကြသော်လည်း အနက်အဓိပ်္ပယ်ချင်းအတူတူပင်ဖြစ်ကြောင်း သဒ်္ဒာကျမ်းများ၌ ပြဆိုကြပါသည။ ပညာရှင်များကမူ အောက်ခြေလိုဏ်မုဒ်ပါလျှင် ပုထိုး (ဥပမာ-သျှစ်သောင်း၊ ထုက်္ကံသိမ်၊ အံတော်သိမ်)၊ လိုဏ်မုဒ်မပါလျှင် စေတီ (ဥပမာ- ဦးရာဇ်တော်၊ ဆံတော်ရှင်) ဟူ၍လည်းဆိုကြသည်။ စေတီသည် စိဓာတ်မှဆင်းသက်လာသော ပါဠိ၊ သို့မဟုတ် သက်္က-သက် ဝေါဟာရဖြစ်၍ ပုထိုးသည် သ်္တုဓာတ်မှ ဆင်းသက်လာသော ပါဠိ၊သို့မဟုတ် သက်္က-သက် ဝေါဟာရဖြစ်သည်။စေတီနှင့်ပုထိုးမူရင်းအနက်မှာ အစုအပုံ၊ မို့မောက်သော အရာဖြစ်ပါသည်။ သို့ရာတွင် မူရင်းသဒ်္ဒါအနက်မှ ရည်ရွယ်ရင်းအနက်(ဘာဝတ်္တ) သို့ပြောင်းလဲ၍ စေတီနှင့် ပုထိုးတို့သည် ပူဇော်ရာအရပ်၊ အရိုအသေပြုရာအရပ်တို့ကို ဟောကြပါသည်။ ဗုဒ်္ဓဘာသာဆိုင်ရာ စေတီများ နှင့်ပတ်သက၍ ပထမဆုံးတွေ့ရသောစေတီနှစ်ဆူမှာ တာဝတိ့သာနတ်ပြည်ရှိ စူဠာမဏိစေတီတော်နှင့် ဗြဟ်္မာ့ပြည်ရှိဒုဿမုနိစေတီတို့ဖြစ်ပါသည်။ စူဠာမဏိစေတီမှာ အလောင်းတော်မြတ်၏ ဆံတော်ကိုဌာပနာထားသော စေတီဖြစ်ကြောင်း ဗုဒ်္ဓ၀ံသပါဠိတော၌ လာရှိပါသည်။ ဒုဿမုနိစေတီမှာ အလောင်းတော်မြတ်၏ ပုဆိုးကို ဌာပနာထားသောစေတီဖြစ်ကြောင်း ဇိနလင်္ကာရ-ကာ၌ လာရှိပါသည်။ ဗုဒ်္ဓခေတ်မတိုင်မီ သို့မဟုတ် ဗုဒ်္ဓခေတ်ဦးစေတီများဟုခေါ်၍လည်း ရသည်။
Subscribe to:
Post Comments (Atom)
No comments:
Post a Comment